«Վառ հիշատակ տարածաշրջանում խաղաղության համար ինչպես միշտ հարվածն իրենց վրա վերցրած զոհված ռուս խաղաղապահներին»,- այս ցավակցական տեքստը տելեգրամյան իր ալիքում գրել է ՌԴ ԱԳՆ ներկայացուցիչ Մարիա Զախարովան՝ անդրադառնալով Արցախում ռուս խաղաղապահների զոհվելու դեպքին։

«Սեւ անշնորհակալությունը, որով անբարեխիղճները փորձում էին կասկածի տակ դնել նրանց գործունեությունը, չի ստվերի նրանց սխրանքը, բայց հավերժական ամոթ կլինի զրպարտիչների վրա։

Իսկ հիմա փաստեր։

2022թ․ սկզբին Երեւանի ձեռքին Ռուսաստանի, Ադրբեջանի, Հայաստանի ղեկավարների երեք եռակողմ հայտարարություններ կային (2020թ․ նոյեմբերի 9, 2021թ․  հունվարի 11, նոյեմբերի 26), որոնք հանդիսանում էին քաղաքական եւ գործնական ճանապարհային քարտեզ, թե ինչպես խաղաղ, փոխհարգալից եւ հիմնավոր կառուցել կյանքը տարածաշրջանում՝ հաշվի առնելով բոլոր կողմերի հետաքրքրությունները։ 

Երեւանը նախընտրեց ոչ թե իրականացնել այն, ինչի տակ իր ստորագրությունն էր դրել,  այլ երջանկություն փնտրել ՆԱՏՕ/ԵՄ-ում։ Հենց Բրյուսելի եւ գլխավոր խորհուրդ տվողի՝ Փարիզի միջնորդությամբ 2022թ․ հոկտեմբերի 6-ին Պրահայի գագաթնաժողովում հայտարարություն ընդունվեց Ադրբեջանի, Հայաստանի, Ֆրանսիայի եւ ԵՄ-ի քառակողմ հանդիպման արդյունքներով։ Դրանում բառացիորեն ասվում է․ «Ադրբեջանն ու Հայաստանը հաստատում են իրենց հավատարմությունը ՄԱԿ-ի Կանոնադրությանը եւ 1991թ․ Ալմա-Աթայի հռչակագրին, որոնց միջոցով ճանաչում են միմյանց տարածքային ամբողջականությունն ու ինքնիշխանությունը»։  Այսինքն՝ Լեռնային Ղարաբաղն Ադրբեջանի կազմում է։ Ընդ որում՝ տեքստում բառ անգամ չկա տարածաշրջանի բնակիչների իրավունքների եւ անվտանգության ապահովման անհրաժեշտության մասին։ 2022թ․ հոկտեմբերի 7-ին այն պաշտոնապես հրապարակվել է։

Սա դարձավ Լեռնային Ղարաբաղի հարցով Երեւանի վերջնական որոշումը։ Ինչու Նիկոլ Փաշինյանն ու հայկական իշխանություններն արեցին հենց այդպես, ինչու Փարիզն ու Բրյուսելը դրան դրդեցին պաշտոնական Երեւանին՝ այս հարցերը պետք է տալ նրանց»,- գրել է Զախարովան։