09:35 - 09 նոյեմբերի, 2023
Արդեն 4-րդ օրն է՝ «Դիլիջան ազգային պարկի» տարածքում շարունակվում են հրդեհաշիջման աշխատանքները
«Դիլիջան ազգային պարկ» ՊՈԱԿ-ի տարածքում շարունակվում են հրդեհաշիջման աշխատանքները։ Այս մասին հայտնում են ՀՀ ՆԳՆ փրկարար ծառայությունից։
Նոյեմբերի 9-ին, ժամը 07:00-ին հրդեհաշիջման աշխատանքները վերսկսելու նպատակով դեպքի վայր են մեկնել 15 փրկարարական ծառայող:
Մոտ 3 հա տարածքում կան ծխացող օջախներ։
Հիշեցնենք, որ նոյեմբերի 6-ին, ժամը 13:30-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հաղարծին վանական համալիրին հարակից անտառից ծուխ է նկատվում։
Հրդեհը մեկուսացվել է նոյեմբերի 6-ին, ժամը 17։51-ին։
Հրդեհաշիջման աշխատանքներին մասնակցել են նաև Բնապահպանության և ընդերքի տեսչական մարմնի 8 աշխատակից և «Դիլիջանի ազգային պարկ» ՊՈԱԿ-ի 25 աշխատակից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)