22:44 - 15 մայիսի, 2024
Սլովակիայի վարչապետի վիճակը ծանր է, նրան դեռ վիրահատում են. նախարար |tert.am|
tert.am: Սլովակիայի վարչապետ Ռոբերտ Ֆիցոյի վիճակը ծանր է, նրան դեռ վիրահատում են։ Սլովակիայի «Markiza» հեռուստաալիքի եթերում այդ մասին հայտնել է Սլովակիայի աշխատանքի նախարար Էրիկ Տոմաշը։
«Վարչապետի վիճակը ծանր է», - ասել է Տոմաշը:
Նա նշել է, որ այժմ Ֆիցոյին վիրահատում են, և վիրահատությունը կարող է երկար տևել, քանի որ հրազենային վնասվածքի հետևանքով մի քանի օրգան է վնասվել:
Հիշեցնենք, որ ավելի վաղ հայտնել էինք Սլովակիայի վարչապետ Ռոբերտ Ֆիցոյին մի քանի անգամ կրակել են Հանդլով քաղաքում կառավարության նիստից հետո: Նա վիրավոր է և տեղափոխվել հիվանդանոց։ Վարչապետի վիճակը գնահատվում է ծանր:
Հարձակվողը ձերբակալվել էր։
TV Markíza հեռուստակայանի փոխանցմամբ, Սլովակիայի վարչապետ Ռոբերտ Ֆիցոյի վրա այսօր Հանդլովա ավանում կրակ է արձակել 71-ամյա գրող Յուրայ Չինտուլան՝ Լևիցա քաղաքից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)