21:50 - 24 հունիսի, 2024
Ֆրյազինո քաղաքի գիտահետազոտական ինստիտուտում հրդեհի հետևանքով զոհերի թիվը հասել է 8-ի |tert.am|
tert.am: Մերձմոսկովյան Ֆրյազինո քաղաքի վարչական շենքում բռնկված հրդեհը, նախնական տվյալներով, ութ մարդու կյանք է խլել։
Այս մասին փոխանցում է Ինտերֆաքսը, վկայակոչելով արտակարգ իրավիճակների ծառայություններ:
«Ըստ նախնական տվյալների՝ զոհվել է ընդհանուր առմամբ ութ մարդ»,- հայտնել են արտակարգ իրավիճակների ծառայությունից։
Ավելի վաղ հաղորդվել էր, որ հրդեհի հետևանքով երկու մարդ է մահացել։
Հիշեցնենք, որ ավելի վաղ հաղորդել էինք, որ Ֆրյազինոյում այրվել է «Պլատան» գիտահետազոտական ինստիտուտը։
Մոսկվայի մարզի ղեկավարը հայտնել էր 8-հարկանի շենքի 5-ից 7-րդ հարկերում հրդեհների մասին։
Մեկ մարդու հաջողվել է դուրս բերել շենքից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)