factor.am: Ադրբեջանի պաշտպանական արդյունաբերության նախարար Վուգար Մուստաֆաևի գլխավորած պատվիրակությունը Բելառուսի պետական ռազմարդյունաբերական կոմիտեի նախագահ Դմիտրի Պանտուսի հրավերով այցելել է Մինսկ, հաղորդում են ադրբեջանական լրատվամիջոցները։
Այցի շրջանակում Մուստաֆաևը Պանտուսի հետ հանդիպմանը քննարկել է «ռազմատեխնիկական ոլորտում երկու բարեկամ երկրների միջև առկա համագործակցությունը, ինչպես նաև հետագա համագործակցության հեռանկարները»։
Տեղի է ունեցել մտքերի փոխանակում փոխադարձ հետաքրքրություն ներկայացնող այլ հարցերի շուրջ։
Նախատեսվում է, որ ադրբեջանական պատվիրակությունը կծանոթանա մի շարք ձեռնարկությունների արտադրական գործընթացին։
