14:29 - 17 հուլիսի, 2024
Երկուշաբթի ԵՄ խորհուրդը կքննարկի ՀՀ-ի հետ վիզաների ազատականացման շուրջ բանակցություն սկսելու հարցը․ դեռ հաստատված չէ |factor.am|
factor.am: Եվրոպական միության Նախարարների խորհուրդն օրակարգ է մտցրել և հաջորդ երկուշաբթի պետք է քննարկի ՀՀ-ի հետ վիզաների ազատականացման շուրջ բանակցություններ սկսելու՝ Եվրահանձնաժողովի առաջարկը։
Նույն նիստի ընթացքում ԵՄ Նախարարների խորհուրդը քննարկելու է նաև Հայաստանին Եվրոպական խաղաղության հիմնադրամից ֆինանսական աջակցություն տրամադրելու հարցը։ Խոսքը 10 միլիոն եվրոյի աջակցության մասին է։ Այս տեղեկությունը Factor.am-ի հետ զրույցում հայտնեց ԱԺ «Քաղաքացիական պայմանագիր» խմբակցության պատգամավոր Արման Եղոյանը։
Այսինքն, այս պահին չենք կարող միանշանակ պնդել, որ ԵՄ Խորհուրդը միանշանակորեն հաստատել է ՀՀ-ի հետ վիզաների ազատականացման շուրջ բանակցություններ սկսելու հարցը։ Ինչպես այս, այնպես էլ Եվրոպական խաղաղության հիմնադրամից աջակցության ճակատագիրը պարզ կդառնա երկուշաբթի նիստի ընթացքում։
Մինչդեռ, ավելի վաղ «Ազատություն» ռադիոկայանը հայտնել էր, որ ԵՄ Խորհուրդը հաստատել է այս հարցերը և դրանք արդեն իսկ ընդունված որոշումներ են։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)