16:43 - 06 օգոստոսի, 2024
ՄԻՊ-ի աջակցությամբ առողջական հիմքով պայմանավորված, զորակոչիկին տրամադրվել է տարկետում
Զորակոչիկի մայրը դիմել է ՀՀ մարդու իրավունքների պաշտպանի աջակցությանը որդու՝ զինվորական ծառայության պիտանիությունը վերանայելու և լրացուցիչ փորձաքննության ներկայացնելու հարցում։ Այս մասին հաղորդում են ՄԻՊ-ի գրասենյակից։
Ըստ դիմումատուի՝ որդին ունի մի շարք առողջական խնդիրներ, որոնք Կենտրոնական բժշկական հանձնաժողովի կողմից մանրամասն չեն դիտարկվել, ինչի պատճառով վերջինս ճանաչվել է պիտանի զինվորական ծառայության համար։
Մարդու իրավունքների պաշտպանը բարձրացված հարցը քննարկել է Պաշտպանության նախարարության հետ, ինչի արդյունքում զորակոչիկը կրկին ներկայացվել է Կենտրոնական բժշկական հանձնաժողովի փորձաքննությանը և ստացել տարկետում։
Հարկ է նշել, որ համանման բազմաթիվ հարցեր ստանում են լուծում՝ Մարդու իրավունքների պաշտպանի աջակցությամբ և իրավասու մարմինների հետ արդյունավետ համագործակցության արդյունքում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)