panorama.am: Թայլանդի Ազգային ժողովի (Խորհրդարանի) Ներկայացուցիչների պալատը վարչապետի պաշտոնում հաստատել է Phua Thai կուսակցության առաջնորդ պաշտոնում Պհետհոնտան Չինավատրայի թեկնածությունը։ ՏԱՍՍ-ը գրում է, որ քվեարկությունը հեռարձակել է թաիլանդական PBS հեռուստաալիքը։

Վարչապետի թեկնածուին պաշտպանել են 319 օրենսդիրներ, 145-ը դեմ են եղել, իսկ 27-ը ձեռնպահ են մնացել՝ ապահովելով խորհրդարանի ստորին պալատում 493 պատգամավորի ձայների պարզ մեծամասնությունը։ նա դարձել է Թայլանդի 31-րդ վարչապետը։

37-ամյա Պհետհոնտան Չինավատրան դարձավ երկրի պատմության մեջ ամենաերիտասարդ վարչապետը և երկրորդ կինը այս պաշտոնում։ Նա նախկին վարչապետի և Թաիլանդի ամենահայտնի քաղաքական գործիչներից մեկի՝ Թաքսին Չինավատայի (2001-2006) դուստրն է, ինչպես նաև մեկ այլ նախկին վարչապետ Յինգլակ Չինավատայի (2011-2014) զարմուհին։ Այսպիսով, նա դարձավ Չինավատրա ընտանիքի երրորդ ներկայացուցիչը, ով ստանձնեց վարչապետի պաշտոնը։