13:48 - 25 օգոստոսի, 2024
ՄԱԿ-ի ներկայացուցիչները «մտահոգիչ» են համարում իրավիճակը լիբանանա-իսրայելական սահմանին |azatutyun.am|
azatutyun.am: Լիբանանի հարցերով ՄԱԿ-ի հատուկ համակարգողի (UNSCOL) գրասենյակը և Լիբանանում ՄԱԿ-ի ժամանակավոր ուժերը (UNIFIL) լիբանանա-իսրայելական սահմանին տեղի ունեցող զարգացումները որակել են «անհանգստացնող»։
Նրանք կոչ են արել բոլոր կողմերին դադարեցնել կրակը և զերծ մնալ հետագա էսկալացիայից, ասվում է հայտարարության մեջ։
Իսրայելն ու Լիբանանի հարավում գործող իրանամետ «Հեզբոլլա» խմբավորումը կիրակի գիշերը կրկին հարվածներ են հասցրել միմյանց ուղղությամբ։
«Հեզբոլլա»-ն այսօր առավոտյան հայտարարել է, որ գիշերը ավելի քան 320 հրթիռ է արձակել Իսրայելի ուղղությամբ՝ թիրախավորելով մի շարք ռազմական դիրքեր։ Իսրայելի բանակը պնդել է, որ կանխարգելիչ հարվածներ է հասցնում խմբավորմանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)