17:51 - 14 սեպտեմբերի, 2024
Իրանը հայտարարել է հետազոտական արբանյակ տիեզերական ուղեծիր դուրս բերելու մասին |azatutyun.am|
azatutyun.am: Իրանը հայտարարել է սեպտեմբերի 14-ին տիեզերական ուղեծիր Chamran-1 հետազոտական արբանյակ դուրս բերելու մասին։ Պետական IRNA լրատվականը գրել է, որ արբանյակը երկրի մակերևույթից գտնվում է 550 կիլոմետր բարձրության վրա:
Ըստ աղբյուրի, արբանյակից արդեն ստացվել են առաջին ազդանշանները։ Այն կշռում է 60 կիլոգրամ:
2024-ի ընթացքում Իրանը երկրորդ անգամ է արբանակ արձակում տիզերք։ Հունվարին Թեհրանը հայտարարել էր 3 հատ «Sorayya» արբանյակ ուղեծիր դուրս բերելու մասին։
Միացյալ Նահանգներն ավելի վաղ հայտարարել էին, որ Իրանի արբանյակիների արձակումը հակասում է ՄԱԿ Անվտանգության խորհրդի բանաձևին և կոչ էին արել Թեհրանին միջուկային զենք կրելու ունակ բալիստիկ հրթիռների հետ կապված որևէ գործունեություն չձեռնարկել: Իրանի բալիստիկ հրթիռների ծրագրի հետ կապված ՄԱԿ պատժամիջոցների ժամկեետն ավարտվել է անցյալ տարվա հոկտեմբերին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)