shantnews.am: Լիբանանում օրական զոհերի թիվը հասել է 63-ի, վիրավորներինը՝ 234-ի։ Այս մասին ասվում է Լիբանանի առողջապահության նախարարության արտակարգ իրավիճակների օպերատիվ կենտրոնի կողմից X-ում հրապարակված ամփոփագրում։

Ամենաշատ զոհերը գրանցվել են հարավային շրջաններում՝ Սաիդայում և Տյուրում՝ 24 սպանված և 85 վիրավոր, մայրաքաղաքում և Լեռնալիբանանում՝ 18 զոհ և 60 վիրավոր։ Բաալբեկ-Հերմել նահանգում՝ արևելյան Լիբանանի Բեքա հովտում, ռմբակոծության հետևանքով զոհվել է 11, վիրավորվել՝ 7 մարդ։

Բացի այդ, թարմացվել են 2023 թվականի հոկտեմբերին ռազմական էսկալացիայի մեկնարկից ի վեր իսրայելական ավիահարվածների և հրետանային հարձակումների հետևանքով քաղաքացիական անձանց կորուստների վերաբերյալ տվյալները։ Այսպիսով, զոհերի թիվը կազմել է 2546, վիրավորներինը՝ 11862։