11:10 - 02 նոյեմբերի, 2024
Սերբիայի կայարանում բետոնե ծածկի փլուլզման հետևանքով 14 մարդ է զոհվել |azatutyun.am|
azatutyun.am: Առնվազն 14 մարդ է զոհվել երեկ Սերբիայի Նովի Սադ քաղաքի երկաթուղային կայարանի մուտքի բացօթյա բետոնե ծածկի փլուզման հետևանքով, հաղորդել է երկրի ներքին գործերի նախարարությունը:
Դեպքի վայրում աշխատել են շուրջ ութ տասնյակ փրկարարներ և տեխնիկա, այդ թվում՝ վերամբարձ կռունկներ և էքսկավատորներ:
Սերբիայի կառավարությունը նոյեմբերի 2-ը երկրում սգո օր է հայտարարել:
Հաղորդագրությունների համաձայն՝ կայարանի շենքը վերջերս էր վերանորոգվել, սակայն այդ ծածկն աշխատանքներում չէր ընդգրկվել:
Իշխանությունները վստահեցրել են, որ պատահարի քննություն կիրականացվի, մեղավորները կբացահայտվեն և պատասխանատվության կենթարկվեն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)