12:30 - 02 նոյեմբերի, 2024
Իրանի ազգային անվտանգության խորհուրդը որոշում է կայացրել Իսրայելին ռազմական պատասխան տալու մասին |shantnews.am|
shantnews.am: Իրանի ազգային անվտանգության բարձրագույն խորհուրդը որոշել է Իսրայելին ռազմական պատասխան տալ հոկտեմբերի 26-ին Իսլամական Հանրապետության թիրախների վրա հարձակմանը։ Այս մասին հայտարարել է Իրանի Մեջլիսի Ազգային անվտանգության հանձնաժողովի անդամ Էսմայիլ Քոսարին։
«Որոշ պետական պաշտոնյաներ և մյուսները կարող են ասել, որ մենք չենք պատասխանի Իսրայելին, բայց կառավարության ներսում և դրսում այդ մարդիկ որոշումներ չեն կայացնում: Սիոնիստական ռեժիմին ռազմական պատասխան տալու մասին որոշումն արդեն կայացվել է Ազգային անվտանգության բարձրագույն խորհրդի կողմից»,- ասել է Քոսարին Didban Iran պորտալին տված հարցազրույցում, փոխանցում է ՏԱՍՍ-ը:
Քոսարին նաև նշել է, որ Իսրայելի հարվածին Իրանի ռազմական պատասխանը կլինի շատ ավելի հզոր, քան բոլոր նախորդները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)