11:07 - 10 նոյեմբերի, 2024
Մոսկվայի քաղաքապետը հայտնել է մայրաքաղաքի ուղղությամբ թռչող 4 անօդաչուի գրոհը հետ մղելու մասին |news.am|
news.am: Մոսկվայի քաղաքապետ Սերգեյ Սոբյանինը հայտնել է Ռուսաստանի մայրաքաղաքի ուղղությամբ թռչող 4 անօդաչուի գրոհը հետ մղելու մասին։
Ըստ նրա` սկզբում ՌԴ ՊՆ հակաօդային պաշտպանության ուժերը Ռամենսկի քաղաքային շրջանում հետ են մղել Մոսկվայի ուղղությամբ թռչող երկու անօդաչուի գրոհը։
Ավելի ուշ խոցվել է ևս երկու անօդաչու։
«Նախնական տվյալներով բեկորների ընկնելու վայրում ավերածություններ և տուժածներ չկան։ Դեպքի վայրում աշխատում են արտակարգ ծառայությունների մասնագետները»,- հայտնել է Սոբյանինը Telegram-ի իր ալիքում։
Մոսկովյան «Վնուկովո» և «Դոմոդեդովո» օդանավակայաններում հետաձգվել են ժամանման և մեկնման թռիչքները։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)