10:08 - 17 դեկտեմբերի, 2024
ՄԱԿ-ը ներկայացուցիչ է ուղարկել Դամասկոս՝ նոր իշխանությունների հետ մարդասիրական օգնությունը քննարկելու համար |shantnews.am|
shantnews.am: ՄԱԿ-ի գլխավոր քարտուղար Անտոնիո Գուտերեշը հումանիտար հարցերով իր տեղակալ Թոմ Ֆլետչերին ուղարկել է Դամասկոս՝ նոր իշխանությունների հետ Սիրիա մարդասիրական օգնության ընդլայնման վերաբերյալ բանակցությունների համար: Այս մասին լրագրողներին հայտնել են ՄԱԿ-ի գլխավոր քարտուղարի գրասենյակում։
Երկուշաբթի Ֆլետչերը հանդիպել է Դամասկոսում իշխանության եկած զինված խմբավորումների առաջնորդ Ահմեդ ալ-Շարաային, որը հայտնի է որպես Աբու Մոհամմեդ ալ-Ջուլանի, և Սիրիայի անցումային կաբինետի ղեկավար Մուհամմեդ ալ-Բաշիրին։
Քննարկվել են Սիրիայում տեղի ունեցող վերջին իրադարձությունների ֆոնին հումանիտար օգնության ցուցաբերմանն ուղղված ջանքերի ավելացման հարցեր։
ՄԱԿ-ի գլխավոր քարտուղարն ընդգծել է այս ժամանակահատվածում սիրիական բնակչությանը աջակցություն ապահովելու համար համակարգված գործողությունների կարևորությունը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)