11:31 - 24 դեկտեմբերի, 2024
Թուրքիայի նախագահը մեծ պատվիրակությամբ կայցելի Սիրիա. Hurriyet |armenpress.am|
armenpress.am: Թուրքիայի նախագահ Ռեջեփ Թայիփ Էրդողանը մեծ պատվիրակությամբ կայցելի Սիրիա։ Այս մասին հայտնում է թուրքական Hurriyet պարբերականը՝ չհստակեցնելով սպասվող այցի ժամկետը։
«Սիրիայում արագ կձևավորվի անցումային կառավարություն։ Նախագահ Էրդողանը մեծ պատվիրակությամբ կայցելի Դամասկոս՝ ներդրումների համար պատասխանատու նախարարների հետ»,- գրել է թերթի սյունակագիր Աբդուլքադիր Սելվին։
Ռեջեփ Թայիփ Էրդողանը երկուշաբթի օրը կառավարության նիստից հետո ասել է, որ Թուրքիան սերտ կապեր է պահպանում սիրիական նոր վարչակազմի հետ և նրան կտրամադրի հնարավոր բոլոր աջակցությունը։
Նա հավելել է, որ Թուրքիակի ազգային հետախուզական կազմակերպության ղեկավար Իբրահիմ Քալընի և արտգործնախարար Հաքան Ֆիդանի՝ Դամասկոս այցերի արդյունքում Թուրքիայից Սիրիա այցելությունների թիվը կավելանա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)