11:52 - 17 հունվարի, 2025
Այսօր Ադրբեջանում մեկնարկում են Բաքվում ապօրինի պահվող հայ գերիների դատավարությունները
Այսօր Ադրբեջանի Հովսան քաղաքի դատարանում մեկնարկում են Բաքվում կեղծ մեղադրանքներով պահվող 15 անձի, ինչպես նաև Ռուբեն Վարդանյանի դատավարությունները:
Այս մասին հայտնում է ադրբեջանական Report-ը՝ նշելով, որ Արկադի Ղուկասյանի, Արայիկ Հարությունյանի, Բակո Սահակյանի, Դավիթ Իշխանյանի, Դավիթ Բաբայանի, Լևոն Մնացականյանի, Դավիթ Մանուկյանի, Գարիկ Մարտիրոսյանի, Մելիքսեթ Փաշայանի, Դավիթ Ալավերդյանի, Գուրգեն Ստեփանյանի, Լևոն Բալայանի, Մադաթ Բաբայանի, Վասիլ Բեգլարյանի և Էրիկ Ղազարյանի դեմ հարուցված քրեական գործերով կանցկացվի նախնական նիստ:
Ըստ աղբյուրի՝ դատարանը քննելու է ընդհանուր 2548 դրվագ։
Ադրբեջանական լրատվամիջոցները նշում են, որ դատաքննությունը կընթանա դատավոր Զեյնալ Աղաևի նախագահությամբ։
Այս պահին Հայաստանում ՄԱԿ-ի գրասենյակի դիմաց բողոքի ակցիա է՝ հայ գերիներին ազատ արձակելու պահանջով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)