13:55 - 22 հունվարի, 2025
«Նուբարաշեն» ՔԿՀ-ում ձերբակալվել է ներքնազգեստում թմրամիջոց թաքցրած քաղաքացին
Հայաստանի Հանրապետության ԱՆ «Նուբարաշեն» քրեակատարողական հիմնարկի անվտանգության ապահովման բաժնի ծառայողները հունվարի 21-ին ժամը 12։05-ի սահմաններում անձնական խուզարկության են ենթարկել կալանավորված անձի մոտ կարճատև տեսակցության եկած քաղաքացի Ռ. Ն. -ին։
Քրեակատարողական ծառայության տարածած հաղորդագրության մեջ նշվում է, որ խուզարկության արդյունքում ծառայողները Ռ. Ն. -ի ներքնազգեստից հայտնաբերել են 2 փաթեթ, որոնցից մեկին թելով ամրացված է եղել ապակե կաթոցիչ։ Ըստ քաղաքացու բանավոր հայտարարության՝ փաթեթներում մարիխուանա տեսակի թմրամիջոց է։
Քաղաքացի Ռ. Ն. -ն ձերբակալվել է Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի ծառայողների կողմից և հայտնաբերված փաթեթների հետ միասին ներկայացվել ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)