13:12 - 28 փետրվարի, 2025
Վավերացվել է Իրանի և ԵԱՏՄ-ի միջև ազատ առևտրի գոտու ստեղծման մասին համաձայնագիրը |civilnet.am|
civilnet.am: Իրանի խորհրդարանը վավերացրել է ԵԱՏՄ-ի հետ ազատ առևտրի գոտու ստեղծման մասին համաձայնագիրը։ Այն կիրականացվի ապրիլին, հաղորդում է Mehr գործակալությունը:
Արդյունաբերության, հանքերի և առևտրի նախարար Մոհամմադ Աթաբակը հայտնել է, որ Եվրասիայի հետ ազատ առևտրի համաձայնագիրը թույլ է տալիս իրանական ապրանքների 87%-ը զրոյական մաքսատուրքով արտահանել միության անդամ երկրներ, ինչպես նաև ներմուծել այդ երկրների ապրանքները զրոյական մաքսատուրքով։
«Այս միության անդամ երկրներն ունեն 240 միլիոն ընդհանուր բնակչություն, ուստի այն հսկայական շուկա է, որը կարելի է օգտագործել»,- ասել է նախարարը։
Փետրվարի 18-ին ՌԴ փոխվարչապետ Ալեքսեյ Օվերչուկը հայտարարել է, որ Իրանն ավարտում է ԵԱՏՄ-ի հետ ազատ առևտրի գոտու ստեղծման մասին վավերացման ընթացակարգերը:
2024-ին Իրանը ԵԱՏՄ–ին կից դիտորդի կարգավիճակ է ստացել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)