13:12 - 10 ապրիլի, 2025
Արցախից բռնի տեղահանված մոտ 3,000 ընտանիք կօգտվի նոր սոցիալական ծրագրից |civilnet.am|
civilnet.am: Կառավարության ապրիլի 10-ի որոշմամբ Լեռնային Ղարաբաղից բռնի տեղահանված և սոցիալապես անապահով ընտանիքները մինչև 2025 թվականի դեկտեմբեր ամիսը ներառյալ կստանան ամենամսյա դրամական աջակցություն։ Նախագիծը հաստատվել է չզեկուցվող հարցերի փաթեթում։
Աջակցությունն ուղղված է այն ընտանիքներին, որոնց մեկ անդամի հաշվարկով ամսական եկամուտը չի գերազանցում 55,000 դրամը։
Աջակցության չափը սահմանվել է հետևյալ կերպ՝
- ընտանիքի առաջին բռնի տեղահանված անդամի համար՝ 40,000 դրամ
- սկսած երկրորդ և հաջորդ անդամներից՝ յուրաքանչյուրի համար՝ 10,000 դրամ։
Ծրագրի տարեկան բյուջեն կազմում է շուրջ 1,84 միլիարդ դրամ։ Կառավարությունը կանխատեսում է, որ շահառու կլինի մոտ 3,000 ընտանիք՝ ընդհանուր 11,430 անդամով, որոնցից 8,430-ը երկրորդ կամ հաջորդ անդամներ են։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)