23:33 - 15 ապրիլի, 2020
Չինաստանը հավանություն է տվել կորոնավիրուսային 3 պատվաստանյութերի կլինիկական փորձարկումներին |shantnews.am|
Չինաստանի իշխանությունները հավանություն են տվել SARS-CoV-2-ի դեմ երեք պատվաստանյութերի կլինիկական փորձարկումներին, ասել է Չինաստանի գիտության և տեխնիկայի նախարարության գիտատեխնիկական զարգացման վարչության պետ Ու Յուանբինը, հայտնում է РИА Новости-ն: Նա նշել է, որ առաջինը հաստատվել է ակադեմիկոս Չեն Վեյի թիմի կողմից ստեղծված ադենովիրուսային վեկտորի վրա հիմնված դեղամիջոցը: Անցյալ շաբաթ գիտնականները սկսել են կամավորների հավաքագրում՝ թեստերի երկրորդ փուլի համար: Ըստ Յուանբինի՝ դա կորոնավիրուսի դեմ աշխարհում առաջին պատվաստանյութն է, որը հասել է այդ փուլ: Բացի այդ, Չինաստանի գիտությունների ակադեմիայի և Ուհանի բիո-դեղամիջոցների ինստիտուտի ներքո գործող վարակաբանության ինստիտուտը, ինչպես նաև պեկինյան Sinovac Research & Development Co. ընկերությունը ստացել են պատվաստանյութի կլինիկական փորձարկումներ անցկացնելու թույլտվություն:
Ըստ Չինաստանի Ժողովրդական Հանրապետության գլխավոր համաճարակաբան Չժուն Նանշանի՝ մարտի կեսերին սկսվել են ադենովիրուսային վեկտորի հիման վրա ստեղծված պատվաստանյութերի փորձարկումները. դրանց մասնակցել է 108 կամավոր, որոնք բաժանվել են 36 հոգուց բաղկացած երեք խմբի:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)