news.am: Աֆղանստանում երկրաշարժի զոհերի թիվն անցել է 1000-ից, հայտնում է CNN-ը։
Զոհվածների մեծ մասը հայտնաբերվել է Պակտիկա նահանգում՝ Գիյան, Նիկա, Բարմալ եւ Զիրոք շրջաններում, ըստ նահանգի աղետների կառավարման նախարարության տվյալների։
«Միայն Պակտիկա նահանգի Գիյան եւ Բարմալ շրջաններում զոհերի թիվը գերազանցում է 1000-ը, առնվազն 1500 մարդ վիրավորվել է»,- CNN-ին ասել է Պակտիկա նահանգի տեղեկատվության եւ մշակույթի բաժնի ղեկավար Մոհամմադ Ամին Հոզայֆան:
Նրա խոսքով՝ սպասվում է, որ զոհերի թիվը կավելանա, քանի որ որոնողական աշխատանքները շարունակվում են:
Հարեւան Խոստ նահանգում զոհվել է 25 մարդ, եւս մի քանիսը վիրավորվել են, իսկ 5 մարդ զոհվել է Նանգարհար նահանգում, հայտնում է աղետների կառավարման գործակալությունը։
