Թուրքիան և Իսրայելը 71 տարի անց ավիացիոն համաձայնագիր կստորագրեն |armenpress.am|
14:30 - 07 հուլիսի, 2022

Թուրքիան և Իսրայելը 71 տարի անց ավիացիոն համաձայնագիր կստորագրեն |armenpress.am|

armenpress.am: Թուրքիան և Իսրայելը հուլիսի 7-ին համաձայնագիր կստորագրեն քաղաքացիական ավիացիայի ոլորտում։

Այս մասին հայտնում է թուրքական «Անադոլու» լրատվական գործակալությունը:

Երկկողմ փաստաթուղթը կստորագրվի 71 տարվա մեջ առաջին անգամ։

«Նոր համաձայնագիրը կամրապնդի հարաբերությունները Անկարայի հետ և թույլ կտա իսրայելական ավիաընկերություններին վերսկսել թռիչքները դեպի Թուրքիա։ Նման փաստաթուղթ ստորագրվում է առաջին անգամ` 1951 թվականից ի վեր »,-ասված է Իսրայելի վարչապետի գրասենյակի մամուլի ծառայության հաղորդագրության մեջ։

Փաստաթղթի ստորագրումը համաձայնեցվել է Իսրայելի քաղաքացիական ավիացիայի վարչության և թուրքական կառույցների միջև բանակցությունների ընթացքում, ինչպես նաև տրանսպորտի նախարարությունների ղեկավարների մակարդակով հանդիպումներից հետո:

Համաձայնագրի շրջանակներում կվերսկսվեն թուրքական ընկերությունների թռիչքները դեպի Իսրայել, ինչպես նաև իսրայելական ընկերությունների թռիչքները դեպի թուրքական օդանավակայաններ։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել