07:25 - 24 ապրիլի, 2019
Դժբախտաբար, պաշտոնական Անկարայից եկող լուրերը հուսադրիչ չեն. Զոհրաբ Մնացականյան |aysor.am|
aysor.am: Ամենաբարդ հարցն եք տալիս, այսօր Ծիծեռնակաբերդի հուշահամալիրում լրագրողների հետ զրույցում ասաց ՀՀ արտաքին գործերի նախարար Զոհրաբ Մնացականյանը՝ պատասխանելով հարցին, թե ցեղասպանությունից 100 տարի անց ինչո՞վ է պայմանավորվում Անկարայի ժխտողականությունը։
«Ուղղակի չի տեղավորվում, թե որքանով անհնար է այդ քայլն անելն ու առերեսվելը պատմության հետ, այդ համարձակությունն ունենալը որքանով է խոչընդոտ իշխանությունների համար։ Դա ամենամեծ խնդիրն է, բայց սա նաև պատգամ է, որ մենք՝ որպես ժողովուրդ, ցեղասպանությունը հաղթահարել ենք», - ասաց արտաքին գործերի նախարարը։
Հարցին՝ հնարավո՞ր է Երևանը Անկարայի հետ հաշտեցման նոր գործընթաց սկսի՝ բացելու հայ-թուրքական սահմանը, Զոհրաբ Մնացականյանը պատասխանեց.
«Դժբախտաբար, պաշտոնական Անկարայից եկող լուրերը հուսադրիչ չեն։ Մենք երբևէ չենք ասել, որ Թուրքիայի կողմից Հայոց ցեղասպանության ճանաչումը նախապայման է»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)