11:00 - 01 սեպտեմբերի, 2022
Վաշինգտոնը թույլ չի տա, որ Իրանը միջուկային զենք ձեռք բերի. Բայդեն |1lurer.am|
1lurer.am: ԱՄՆ նախագահ Ջո Բայդենը և Իսրայելի վարչապետ Յաիր Լապիդը հեռախոսազրույցի ընթացքում անդրադարձել են Իրանի միջուկային գործարքի վերականգնմանը. Բայդենը վստահեցրել է, որ Վաշինգտոնը ոչ մի դեպքում թույլ չի տա Իրանին միջուկային զենք ստանալ։ «Պաշտոնյաները, մասնավորապես, քննարկել են Իրանի ահաբեկչական գործունեությունը Մերձավոր Արևելքում և դրա սահմաններից դուրս: Լապիդն ընդգծել է Սիրիային հարվածներ հասցնելու կարևորությունը, ինչպես և հրամայել էր նախագահ Բայդենը»,- ասված է Սպիտակ տան մամուլի ծառայության հայտարարության մեջ։
ԱՄՆ-ը լավատես է, սակայն զգուշավոր Իրանի հետ միջուկային համաձայնագրի շուրջ բանակցությունների հարցում: Նման հայտարարությամբ էլ հանդես է եկել Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։ «Վաշինգտոնը, այնուհանդերձ, չի հասկանում՝ Թեհրանը պատժամիջոցների վերացման համար ինչպիսի երաշխիքներ է պահանջում»,- հավելել է նա՝ մեկնաբանելով Իրանի ԱԳ նախարարի խոսքերն այն մասին, որ Թեհրանը միջուկային ծրագրի շուրջ համաձայնագրի ավելի վստահելի տեքստ է ակնկալում, որը կպարունակի պատժամիջոցների վերացման երաշխիքներ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)