17:44 - 24 հոկտեմբերի, 2022
Լիբանանցի պատգամավորները չորրորդ անգամ չեն կարողացել նոր նախագահ ընտրել |1lurer.am|
1lurer.am: Լիբանանցի խորհրդարանականները չորրորդ անգամ չեն կարողացել նախագահ ընտրել՝ հայտնում է РИА Новости-ի թղթակիցը։
Գործող նախագահ Միշել Աունի վեցամյա պաշտոնավարումն ավարտվում է հոկտեմբերի 31-ին, 89-ամյա Աունը կկարողանա կրկին զբաղեցնել այդ պաշտոնը միայն վեց տարի հետո։
Լիբանանի սահմանադրության համաձայն՝ թեկնածուն պետք է ստանա ձայների առնվազն երկու երրորդը 128 տեղանոց խորհրդարանում, իսկ հաջորդ փուլ անցնելու դեպքում՝ 50 տոկոս գումարած մեկ ձայն։
Երկուշաբթի նիստին ներկա էր 118 պատգամավոր։ Անկախ պատգամավոր, 50-ամյա Միշել Մուավադը ստացել է 39 ձայն, տասը պատգամավոր քվեարկել է արհմիութենական առաջնորդ Իսամ Խալիֆայի օգտին:
50 պատգամավոր դատարկ քվեաթերթիկ է հանձնել, երկու քվեաթերթիկները չեղյալ են հայտարարվել։ Մյուս պատգամավորները քվեարկել են այլ թեկնածուների օգտին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)