Կառավարության նիստի ընթացքում վարչապետ Նիկոլ Փաշինյանը հիշեցրեց, որ ավարտվել է ուսուցիչների կամավոր ատեստավորման հերթական փուլը։ ԿԳՄՍ նախարար Վահրամ Դումանյանն էլ ներկայացրեց այս փուլի արդյունքները։
«Ուսուցչական կազմի և այն առարկայացանկը, որով կարող էին ատեստավորվել, շահառուների ընդհանուր թիվը կազմել է 29 441: Ատեստավորման համար գրանցվել են 3886-ը: Ի դեպ, նախորդ տարի շահառուների ընդհանուր թիվը կազմել է 15 417, գրանցվել է շահառուների թվի շուրջ 9%-ը: Այս տարի գրանցվել է շուրջ 13 տոկոսը: Այս տարվա մասնակիցների թիվը կազմել է գրանցվածների 60%-ը՝ 2300 մասնակից»,- ասաց նա:
Ըստ նախարարի՝ ընդհանուր առմամբ ատեստավորվել է մասնակիցների 2/3-ը կամ 66%-ը։
«30 %-ի չափով հավելավճար կստանա մասնակիցների 23 %-ը, 40%՝ մասնակիցների 17%-ը, և 50%՝ 6%-ը»,- ասաց Դումանյանը:
comment.count (0)