18:32 - 15 նոյեմբերի, 2022
Ռուբինյանը ԵՄ բանագնացներին մանրամասներ է ներկայացրել Հայաստան-Թուրքիա հարաբերությունների կարգավորման վերաբերյալ
Հայաստանի Ազգային ժողովի փոխնախագահ Ռուբեն Ռուբինյանը նոյեմբերի 15-ին ընդունել է Եվրոպական միության և ԵՄ անդամ երկրների Արևելյան գործընկերության հարցերով հատուկ բանագնացների պատվիրակությանը:
Կողմերը կարևորել են Հայաստան-Եվրամիություն փոխգործակցությունը, այդ թվում` Արևելյան գործընկերության շրջանակում: Քննարկվել են ՀՀ-ԵՄ Համապարփակ և ընդլայնված գործընկերության համաձայնագրի կատարման ընթացքին վերաբերող հարցեր:
Հյուրերի խնդրանքով Ռուբեն Ռուբինյանը մանրամասներ է ներկայացրել Հայաստան-Թուրքիա հարաբերությունների կարգավորման գործընթացի վերաբերյալ:
Քննարկվել են տարածաշրջանային իրավիճակին առնչվող հարցեր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)