22:30 - 29 նոյեմբերի, 2022
Նոյեմբերի սկզբին «սահմանին տեղի է ունեցել հայ-թուրքական տեխնիկական պատվիրակությունների հանդիպում». Քալըն |azatutyun.am|
azatutyun.am: Այս ամսվա սկզբին «սահմանին տեղի է ունեցել Հայաստանի և Թուրքիայի տեխնիկական պատվիրակությունների հանդիպում», հայտարարել է Թուրքիայի նախագահի մամուլի խոսնակ Իբրահիմ Քալընը:
Շեշտելով, որ հայ-թուրքական հարաբերությունների կարգավորումը դրական է ընթանում, տեղական հեռուստաընկերության եթերում նա ասել է, որ ամենայն հավանականությամբ, մոտ ապագայում կիրականացվեն երրորդ երկրների քաղաքացիների համար սահմանների բացումը և դիվանագիտական անձնագրերի թույլտվությունը:
Պաշտոնական Երևանն այս հանդիպման մասին չի հաղորդել:
Թուրքիայի նախագահի խոսնակը նաև նշել է, որ Հայաստանի և Ադրբեջանի միջև գործընթացը պետք է ընթանա առողջ ճանապարհով՝ Հարավային Կովկասում խաղաղության և կայունության հիմք ստեղծելու համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)