tert.am: ՌԴ Նիժնևարտովսկ քաղաքում կենցաղային գազի պայթյունի հետևանքով փլուզվել է հինգ հարկանի շենքի երկու հարկը: ՌԴ Արտակարգ իրավիճակների ծառայության տվյալներով՝ հինգ մարդ մահացել է, տասը վիրավորվել, տան 52 բնակիչ տարհանվել է։ Այս մասին գրում է kommersant.ru-ն:
Պայթյունի և շենքի՝ դրան հաջորդած մասնակի փլուզման պատճառը եղել է ճնշման տակ գտնվող գազի բալոնը, որը հայտնաբերվել է երկրորդ հարկի բնակարաններից մեկու։
«Նիժնևարտովսկ քաղաքում բնակելի շենքի փլուզման հետևանքով զոհերի թիվը հասել է չորսի։ Միջադեպի հետևանքների վերացման աշխատանքներում ներգրավվել է 109 մարդ և 30 միավոր տեխնիկա»,- հայտնում են երկրի Արտակարգ իրավիճակների նախարարության մամուլի ծառայությունից։
comment.count (0)