factor.am: Թուրքիան սկսելու է բնական գազ մատակարարել հարևան Բուլղարիային։ Այս մասին TVNET-ի եթերում հայտարարել է Թուրքիայի էներգետիկայի և բնական պաշարների նախարար Ֆաթիհ Դյոնմեզը, գրում է Անադոլու գործակալությունը։

Նա հայտնել է, որ առաջիկայում Սոֆիա կատարելիք այցի ընթացքում նախատեսվում է համապատասխան պայմանագիր կնքել։ Այն ստորագրելու են երկու երկրների էներգետիկ ընկերությունների ներկայացուցիչները, թուրքական կողմից՝ BOTAŞ ընկերությունը։

Դյոնմեզը նշել է, որ, ընդհանուր առմամբ, վերջին մեկ տարվա ընթացքում թուրքական պատվիրակությունները քննարկել են էներգետիկ համագործակցությունը 15 տարբեր երկրների հետ։