ՀՀ նախագահի հրամանագրով Վահրամ Գրիգորյանն ազատվել է 2-րդ բանակային կորպուսի հրամանատարի պաշտոնից։ Այս մասին տեղեկանում ենք ՀՀ նախագահական կայքից։

«Հիմք ընդունելով վարչապետի առաջարկությունը, համաձայն Սահմանադրության 133-րդ հոդվածի 1-ին մասի՝ ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի.

Վահրամ Գրիգորյանին ազատել 2-րդ բանակային կորպուսի հրամանատարի պաշտոնից»,- նշված է հրամանագրում։

Գրիգորյանն այս պաշտոնին նշանակվել էր 2021թ․ օգոստոսի 9-ին։

Հիշեցնենք, որ հունվարի 19-ի գիշերը՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Զոհվել է 15 զինծառայող, 3-ի վիճակը ծանր է։ 

Ըստ մամուլում հրապարակված տեղեկությունների՝ պաշտոնանկությունը կապված է այս դեպքի հետ։

Լուսանկարը՝ ՀՀ ՊՆ-ի / 14․09․2021