factor.am: Ամերիկյան Օհայո նահանգում վտանգավոր նյութեր տեղափոխող գնացքը դուրս է եկել ռելսերից և այրվել: Այս մասին փետրվարի 4-ին հայտնել է CNN հեռուստաալիքը։

Նշվում է, որ ավելի քան 100 վագոնով Norfolk Southern գնացքը դուրս է եկել Արևելյան Պաղեստին քաղաքի մերձակայքում: Վտանգավոր նյութերով մոտ 20 վագոն է եղել, որոնցից 10-ը դուրս են եկել ռելսերից։

Տեղական լրատվամիջոցները հայտնում են, որ շրջված հինգ վագոնները տեղափոխում էին վինիլքլորիդ:

Վթարի վայրում խոշոր հրդեհ է բռնկվել։ Իշխանությունները հայտարարել են դեպքի էպիկենտրոնից 1,6 կմ շառավղով տարհանման մասին։ Ընդգծվում է, որ պաշտոնատար անձինք օդի շարունակական մոնիթորինգ են իրականացնում։

Fire & thick black smoke billowing 16 hours later after a train derailment in East Palestine, OH. A mandatory evacuation order remains in effect for people who live within a 1-mile radius of the derailment. Amazingly, no injuries. @KDKA pic.twitter.com/LEWmrPzKTb

— Jennifer Borrasso (@JenBorrasso) February 4, 2023