14:08 - 20 մարտի, 2023
Ղազախստանի ընտրություններում առաջատարը Տոկաևին աջակցող «Ամանաթ» կուսակցությունն է․ Exit poll |azatutyun.am|
azatutyun.am: Կիրակի օրը Ղազախստանում կայացած խորհրդարանական ընտրություններում հաղթել է նախագահ Կասիմ-Ժոմարտ Տոկաևի «Ամանաթ» կուսակցությունը։
Նախնական արդյունքների համաձայն իշխող կուսակցությունը ստացել է ղազախ ընտրողների քվեների 53 տոկոսը։
Ընտրատեղամասերի հարևանությամբ անցկացված հարցումների՝ էքզիթ-փոլերի արդյունքների համաձայն, իշխող կուսակցությունից բացի Ղազախստանի խորհրդարանի ստորին պալատում ներկայացված կլինի ևս 5 քաղաքական ուժ։
Խորհրդարանում ներկայացված լինելու համար անհրաժեշտ 5 տոկոսի շեմը հաղթահարած ուժերից մեկը՝ «Ակ Ժոլ» դեմոկրատական կուսակցությունը, հայտարարել է ընտրությունների արդյունքները բողոքարկելու մտադրության համար։
Կուսակցության ներկայացուցիչները պնդում են, որ կիրակնօրյա ընտրությունների ընթացքում մի շարք տեղամասերում լուրջ խախտումներ՝ մասնավորաբար քվեատուփերի լցոնումներ են արձանագրվել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)