ՌԴ ՊՆ-ն Արցախում խաղաղապահների գործունեության մասին տեղեկագրում նշում է՝ մարտի 25-ին Ադրբեջանի ԶՈՒ ստորաբաժանումները, խախտելով նոյեմբերի 9-ի հայտարարությունը, հատել են Շուշիի շրջանի շփման գիծը, գրավել բարձունք (Սարիբաբա բարձունքից 2.9 կմ հյուսիս-արևելք) և անցել դիրքի ինժեներական կահավորման։
«Ադրբեջանական կողմին պահանջ է ներկայացվել պետությունների ղեկավարների եռակողմ համաձայնագրերի դրույթները կատարելու, ինժեներական աշխատանքները դադարեցնելու և զինված ուժերի ստորաբաժանումները նախկինում զբաղեցրած դիրքեր դուրս բերելու համար միջոցներ ձեռնարկելու անհրաժեշտության մասին»։
Նշվում է, որ հրադադարի ռեժիմի մեկ խախտում էլ արձանագրվել է Մարտունու շրջանում։ Տուժածներ չկան։
comment.count (0)