tert.am Իրանն աջակցում է Հայաստանի և Ադրբեջանի միջև խաղաղության գործընթացին, հայտարարել է Իրանի նախագահ Մասուդ Փեզեշքիանը։

«Իրանը ողջունում է խաղաղությունն ու կայունությունը։ Մենք կարծում ենք, որ մեր տարածաշրջանի և աշխարհի ապագան պետք է կառուցվի համագործակցության, վստահության և համատեղ զարգացման վրա: Այդ շրջանակներում Իրանն աջակցում է Ադրբեջանի և Հայաստանի միջև խաղաղության գործընթացին», — հայտարարել է Մասուդ Պեզեշքիանը՝ ՄԱԿ-ի Գլխավոր ասամբլեայի 80-րդ նստաշրջանում։