Իսրայելի վարչապետ Բինյամին Նեթանյահուն Կատարի վարչապետ Մուհամմեդ Ալ Թանիի հետ հեռախոսազրույցի ընթացքում ներողություն է խնդրել Դոհային հասցված ավիահարվածի հետևանքով երկրի ինքնիշխանության խախտման համար՝ հաղորդում են Channel 12-ը և Axios-ը։
Լրատրամիջոցների փոխանցմամբ՝ Իսրայելի և Կատարի առաջնորդները զրուցել են ԱՄՆ նախագահ Դոնալդ Թրամփի ներկայությամբ։
Սեպտեմբերի 29-ի երեկոյան Նեթանյահուն ժամանել է Սպիտակ տուն՝ հանդիպելու Թրամփի հետ։ Հանդիպման գլխավոր թեման եղել է Գազայում պատերազմը դադարեցնելու համաձայնագիրը։
Axios-ի տվյալներով՝ Իսրայելի կողմից հարվածի համար ներողություն խնդրելը Կատարի հիմնական պայմանն էր ՀԱՄԱՍ-ի հետ Գազայի վերաբերյալ բանակցությունները վերսկսելու համար։
Իսրայելի բանակը սեպտեմբերի 9-ին ավիահարված էր հասցրել Դոհային։ Իսրայելի պաշտպանության բանակը հայտարարել էր, որ դա եղել է «ճշգրիտ հարված՝ ուղղված ՀԱՄԱՍ ահաբեկչական խմբավորման բարձրագույն ղեկավարությանը»։ Կատարը սպառնացել էր պատասխանատվությանենթարկել Նեթանյահուին այդ հարվածի համար։
