Թուրքիայի նախագահ Ռեջեփ Թայիփ Էրդողանին տեղափոխող ինքնաթիռը երկրորդ փորձից է վայրէջք կատարել Շարմ էլ Շեյխի օդանավակայանում, որտեղ նա մասնակցելու է Գազայի հրադադարի համաձայնագրին նվիրված խաղաղության գագաթնաժողովին։ Թուրքական Անադոլուն գրում է, որ Էրդողանին տեղափոխող ինքնաթիռը նախ օդանավակայանում բաց է թողել թռիչքուղին, այնուհետև Կարմիր ծովի վրա որոշ ժամանակ գտնվել է օդում, հետո միայն վայրէջք կատարել։
Նշվում է, որ Էրդողանին այստեղ դիմավորել են Եգիպտոսի մշակույթի նախարար Ահմեդ Ֆուադ Հաննոն, Եգիպտոսի երիտասարդության և սպորտի նախարար Աշրաֆ Սոբհին, Կահիրեում Թուրքիայի դեսպան Սալիհ Մութլու Շենը և դեսպանատան աշխատակիցները։
Թուրքական աղբյուրների համաձայն՝ հաղորդումներից հետո, որ Իսրայելի վարչապետ Բենիամին Նեթանյահուն կարող է մասնակցել Եգիպտոսում գագաթնաժողովին, Էրդողանի ինքնաթիռը շրջանցել է թռիչքուղին։ Ինքնաթիռը վայրէջք է կատարել այն բանից հետո, երբ Նեթանյահուի գրասենյակը հայտնել է, որ նա չի մասնակցելու հավաքին։
Ավելի մանրամասն՝ սկզբնաղբյուրում։
