Հոկտեմբերի 9-ին տնից դուրս եկած ու մի քանի օր տուն չվերադարձած դեռահաս տղայի մայրը հաստատել, նաև հաղորդում է տվել, որ տղան հոր բռնությունների պատճառով է փախել տնից, ընդ որում՝ բռնություն կիրառվել է ոչ միայն այդ երեխայի նկատմամբ։
Երեխան այդ ընթացքում կապ է հաստատել ծնողների հետ, ասել՝ իրեն չսպասեն, վերադառնալ չի ցանկանում։
Բռնությունն ու մասնավորապես ծեծը ընտանիքում պարբերական բնույթ է կրել։ 6 երեխաների հայրը ձերբակալվել է, նրա նկատմամբ քրեական հետապնդում է հարուցվել հոգեկան և ֆիզիկական ներգործության հոդվածներով, սահմանված առավելագույն պատժաչափը 2 տարի է: Իրականացվում են համապատասխան քննչական գործողություններ։
Այս մասին «Լուրեր»-ի հետ զրույցում ասել է ՀՀ քննչական հոմիտեի Երևան քաղաքի Շենգավիթ վարչական շրջանի քննիչ Արտեմ Հակոբյանը։
Հիշեցնենք, որ 2013 թվականին ծնված Մաքս Մելքոնյանը հոկտեմբերի 9-ին դուրս էր եկել տնից և չէր վերադարձել։ Ոստիկանությունը նրան հայտնաբերել էր օրեր անց։
