tert.am Իսրայելի կողմից արձակված հրթիռը հարվածել է գերմանական ZDF հեռուստաալիքի գործընկեր ընկերության գրասենյակին Գազայում, հաղորդում է հեռուստառադիոընկերությունը:

«Palestine Media Production» շենքի վրա հարձակման հետևանքով զոհվել է 37-ամյա ինժեները և աշխատակիցներից մեկի ութամյա որդին, իսկ մյուսը վիրավորվել է։ Ընկերությունը, որը տարիներ շարունակ համագործակցել է ZDF-ի Թել Ավիվի ստուդիայի հետ, հեռուստաալիքին տրամադրել է Գազայի հատվածից տեսանյութեր: