pastinfo.am Ռուսաստանի և Հայաստանի երկկողմ համագործակցության օրակարգում կան բազմաթիվ հարցեր։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով Риа Новости-ի հարցին։
«Դուք գիտեք, որ հաճախակի բարձր մակարդակի շփումներ են տեղի ունենում։ Մեր երկկողմ համագործակցության օրակարգում կան բազմաթիվ հարցեր։ Մենք հույս ունենք, որ այս համագործակցությունը կշարունակվի»,- ասել է Պեսկովը։
Նա նաև նշել է, որ ՌԴ արտաքին հետախուզության ծառայության հաղորդագրությունները երբեք անհիմն չեն լինում։
Նշենք, որ ՀՀ վարչապետ Նիկոլ Փաշինյանը «բացարձակ անհեթեթություն» է անվանել լուրը, թե Հայաստանը մտադիր է հրաժարվել ռուսական հացահատիկից և ձեռք բերել ուկրաինականը։
Ավելի վաղ ռուսական լրատվամիջոցները տարածել են ՌԴ արտաքին հետախուզական ծառայության հաղորդագրությունը, որում նշվում է, թե «հայերը քաղաքական պատճառներով ցանկանում են ազատվել Մոսկվայից և օգնություն ցուցաբերել Ուկրաինային՝ հացահատիկի անհրաժեշտ ծավալների մի մասը գնելով նրանցից»:
