azatutyun.am Խորհրդարանական ընդդիմությունը կրկին բոյկոտում է վարչապետ Նիկոլ Փաշինյանի մասնակցությամբ ընթացող Ազգային ժողով-կառավարություն հարցուպատասխանը:
«Ազատության» հարցին, թե որն է բոյկոտի պատճառը, խորհրդարանի ընդդիմադիր ամենամեծ «Հայաստան» խմբակցության ղեկավար Սեյրան Օհանյանը պատասխանեց, թե չեն բոյոկոտել, պարզապես չեն ուզում մասնակցել, քանի որ անիմաստ են համարում:
«Անիմաստ է հարցեր տալը, որվոհետև նախ ձևաչափն այնպիսին է, որ վերջինը ինքն է պատասխանում, և հետո ինքը բոլոր հարցերի շուրջ մանիպուլացնում է, շեղվում է հարցերի հիմնական պատասխաններից: Եվ տրված հարցերի ընթացքում այնպես է ստացվում, որ երկրում ամեն ինչ փայլուն է»,- ասաց նա:
Օհանյանի խոսքով՝ երբևիցե չեն տեսնում ինքնաքննադատական, ռեալ իրավիճակի գնահատական, խոսք. «Դա է ստիպում մեզ, որ մեկընդմերթ չմասնակցենք»:
Խորհրդարանական ընդդիմությունը բոյկոտել էր նաև կառավարության հետ նախորդ հարցուպատասխանը:
