azatutyun.am ԱՄՆ պետքարտուղար Մարկո Ռուբիոն մտահոգություն է հայտնել, որ Իսրայելի կողմից օկուպացված Արևմտյան ափին իսրայելցի վերաբնակիչների կողմից բռնության վերջին ալիքը կարող է տարածվել և խաթարել Գազայում ԱՄՆ-ի կողմից աջակցվող խաղաղ ջանքերը:
«Հուսով եմ՝ ոչ», – Կանադայում G7-ի արտգործնախարարների հանդիպումից հետո լրագրողներին ասել է Ռուբիոն՝ պատասխանելով այն հարցին, թե արդյոք Արևմտյան ափի իրադարձությունները կարող են վտանգել Գազայում հրադադարը:
«Մենք դա չենք ակնկալում։ Մենք ամեն ինչ կանենք, որ դա տեղի չունենա», – ասել է նա:
