pastinfo.am «Հանրապետություն» կուսակցության համայնքապետի թեկնածու Հարություն Մկրտչյանը Էջմիածնի 4-րդ դպրոցում քվեարկելուց առաջ հայտարարեց, թե թույլ չեն տալու, որ Վաղարշապատը «Գյումրի 2» դարձնեն, բայց Երևանով գնալու սցենարը չի բացառում։ Նա պնդեց, թե գնում է 50+1 քվե ստանալու և բացարձակ մեծամասնությամբ քաղաք կառավարելու:
Նա հայտարարեց, թե ձեռքը կկտրի, բայց ընդդիմության ձեռքը չի սեղմելու։ Ինչ վերաբերում է ընտրախախտումների, ապա Մկրտչյանի գնահատմամբ` որպես այդպիսին խախտումներ չեն արձանագրվել։
Հիշեցնենք, որ նոր ձևավորված Վաղարշապատ համայնքում այսօր ՏԻՄ ընտրություններն են։ Վաղարշապատ համայնքում առաջադրվել են 8 քաղաքական ուժեր։
Վաղարշապատ համայնքի ընտրողների թիվը, ըստ Ներքին գործերի նախարարության միգրացիայի և քաղաքացիության ծառայության տվյալների, 69866 է։
