armenpress.am Բուդապեշտում կայանալիք Ռուսաստան-ԱՄՆ գագաթնաժողովը հետաձգվել է, սակայն դրա անցկացման շուրջ շփումները շարունակվում են։ Այս մասին ВГТРК-ի լրագրող Պավել Զարուբինին հայտնել է Ռուսաստանի նախագահի արտաքին քաղաքականության հարցերով օգնական Յուրի Ուշակովը։

«[Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև] հանդիպումը առայժմ հետաձգվում է։ Այս հարցի շուրջ շփումները շարունակվում են», – հայտարարել է Ուշակովը։