Հանրային ծառայությունների կարգավորման հանձնաժողովի նախագահ Մեսրոպ Մեսրոպյանը հայտարարել է, որ ՀԷՑ-ի հետ կապված գործընթացն այսօրվա նիստով չի ավարտվում։
Այդ մասին նա ասել է լրագրողների հետ զրույցում։
Ավելի վաղ հայտնել էինք, որ հանձնաժողովը 3 օր տևած նիստերից հետո որոշել է զրկել ՀԷՑ-ին էլեկտրաէներգիա մատակարարելու լիցենզիայից։
«Պրոցեսը շարունակություն ունի․ առաջիկա 3 ամիսներին պետությունը ՀԷՑ-ի սեփականատիրոջ կամ տնօրենների խորհրդի հետ կսկսի բանակցել գույքի սեփականության իրավունքի փոխանցման վերաբերյալ։ Եթե այդ 3 ամիսների ընթացքում կողմերը համաձայնության չգան, պետությունը կարող է գերակա շահի իրավունքով վերցնել սեփականության իրավունքը»,- ասել է նա։
Մեսրոպյանը նշել է, որ ենթադրում է՝ կողմերը իրենց իրավունքները կփորձեն պաշտպանել այլ ատյաններում, և պրոցեսն այդպիսով ևս շարունակություն կունենա։
