Երևանի քաղաքապետ Տիգրան Ավինյանը հանդիպել է Դոնի Ռոստովի քաղաքապետ Ալեքսանդր Սկրյաբինի և նրա գլխավորած պատվիրակության հետ։ Այս մասին հյատնում են Երևանի քաղաքապետարանից:
«Երկու քաղաքների միջև առկա է լայն դաշտ գործակցության նոր ուղղություններ ընդգրկելու և համատեղ ծրագրերը թարմացնելու համար, որոնք կնպաստեն մեր քաղաքների զարգացմանը և մեր քաղաքացիների կյանքի որակի բարձրացմանը»,- գրել է Ավինյանը իր ֆեյսբուքյան էջում:
Նա հավելել է, որ Երևանի և Դոնի Ռոստովի միջև տարիների ընթացքում իրականացվել են բազմաթիվ համատեղ ծրագրեր մի շարք ոլորտներում:
