Կարմիր խաչի ներկայացուցիչները մարդասիրական այց են կատարել Բաքվում ձերբակալված Վիգեն Էուլջեքչյանին:
Այս մասին ֆեյսբուքյան իր էջում հայտարարել է նրա շահերի ներկայացուցիչ Մարիա Լուսիանա Մինասյանը:
Հայտարարության համաձայն՝ այցն իրականացվել է Կարմիր Խաչի Միջազգային Կոմիտեի կողմից՝ Ադրբեջանի Հանրապետություն իշխանությունների թույլտվությամբ։ Ներկայացուցիչները իրենց երախտագիտությունն են հայտնել այցի կազմակերպման համար՝ նշելով դրա կարևորությունը հատկապես տոնական օրերին։
Այցի ընթացքում ԿԽՄԿ-ն Էուլջեքչյանին տրամադրել է մարդասիրական պարագաներ՝ սնունդ, ծխախոտ և անձնական օգտագործման իրեր։
Հայտարարությունում նաև նշվում է, որ անցյալ շաբաթ Էուլջեքչյանը կարողացել է հեռախոսազանգ կատարել ընտանիքի անդամներին։
Էուլջեքչյանի ներկայացուցիչները նաև նշում են, որ ունեն լուրջ մտահոգություններ նրա առողջական վիճակի մասին։
