factor.am Դեկտեմբերի 31-ին՝ ժամը 02։20-ի սահմաններում «սուր էկզոգեն թունավորում շմոլ գազից» ախտորոշմամբ շտապօգնության ավտոմեքենայով «Գորիս» բժշկական կենտրոն բուժօգնության է տեղափոխվել 6 քաղաքացի։

Դեպքը տեղի է ունեցել դեկտեմբերի 30-ին․ ընտանիքի անդամները լոգանք ընդունելուց հետո վատացել են, ունեցել են փսխում, ինչից հետո անմիջապես տեղափոխվել են հիվանդանոց։

ՆԳՆ-ից հաստատեցին տեղեկությունը՝ հայտնելով, որ կազմվել են փաստաթղթեր և փոխանցվել են Քննչական կոմիտե․ իրավապահ այս կառույցից չկարողացանք պարզել՝ արդյոք վարույթ նախաձեռնվել է, թե՝ ոչ։