Հայաստանի վարչապետի աշխատակազմի Հանրային կապերի և տեղեկատվության կենտրոնը հերքել է լրատվամիջոցներում տարածված տեղեկությունը, թե ՀՀ կառավարության էլեկտրոնային փոստի համակարգը կոտրվել է։
Հանրային կապերի և տեղեկատվության կենտրոնն այդ մասին հաղորդագրություն է տարածել։
«Լրատվամիջոցներում տարածված տեղեկությունը, թե իբրև ՀՀ կառավարության էլեկտրոնային փոստի համակարգը կոտրվել է, չի համապատասխանում իրականությանը։ Արձանագրված տվյալների արտահոսքը ՀՀ Կառավարության էլեկտրոնային մեյլերի հետ առնչություն չունի։
Նախնական ուսումնասիրության արդյունքում, կարելի է եզրակացնել, որ արտահոսք եղած ֆայլերը կորզվել են էլեկտրոնային քաղաքացիական դատավարության cabinet.armlex.am հարթակից։
Ներկայում աշխատանքներ են տարվում վերը նշվածը հաստատելու, կորզման եղանակը պարզելու նպատակով»,-ասված է հաղորդագրության մեջ։
Ավելի վաղ փաստաբան Գոհար Մելոյանը Ֆեյսբուքյան իր էջում գրել էր, որ համաձայն կիբերանվտանգության ոլորտում հայտնի ալիքներից մեկի՝ զգայուն տվյալների արտահոսք է եղել կառավարության էլփոստի կոտրման հետևանքով.
«Համաձայն կիբերանվտանգության ոլորտում հայտնի ալիքներից մեկի՝ Հայաստանի կառավարության էլեկտրոնային փոստի համակարգը կոտրվել է, ինչի արդյունքում ստեղծվել է մեծածավալ տվյալների արտահոսք, որը վաճառքի է հանվել տարբեր կիբերհանցագործական ֆորումներում։
Ըստ տարածված տեղեկատվության՝ արտահոսքը ներառում է պետական զգայուն հաղորդակցությունների մոտ 8 միլիոն ֆայլ։
- կատարված պատճառված վնասը գնահատելու,
- մաքսիմալ նվազեցնելու,
- մեղավորներին բացահայտելու և պատասխանատվության ենթարկելու համար։
»։
